السبت، 5 سبتمبر 2009

قطايف بالكريمه



جيت جيت جيت


جايبالكم شوية قطايف بقى يا قوم حاجه لا تقاوم بجد


عايزه اقولكم ان اي كمية باعملها من القطايق بتتمسح مسح عن آآآآآآخرها


الاول هنحتاج مقدار من القطايف الى احنا عملناها امبارح عجينة قطايف


وقولنا المقدار بتاعنا ده هايعمل لنا كميه اد الى فى الصوره الى فوق دي بالظبط


نروح على الشغل بقى


الاول هانعمل القطايف بالكريمه


ممكن نستعمل كريم بتاسيير الى عملنا مع بعض قبل كده


وممكن نستعمل الكاستر العادي او المهلبيه كمان ما تقولش لا


طبعا هانعمل الكاستر ونسيبه يبرد ونعبيه فى كيس الكريمه ولو مش عندك ممكن فى كيس بلاستك المهم حاجه نضخ بيها داخل القطايف


نروح بقى على القطايف نعملها زي ما نيجى نعمل قرطاس بالظبط


اهو شايفيين الصوره دي

ونضغط عليها كويس لحد ما تلزق فى بعضها والكلام ده اول لما تتعمل على طول او بعدها بشويه بس نكون مغطينها كويس عشان ما تنشفش ولما بتخلص الكميه بيكون شكلها كده



بعد كده بنحمرها فى زيت عميق زي كده




ونطلعها على كلينكس ويكون شكلها كده ان شاء الله


بعد ما تنزل الزيت الزياده نكون مجهزين شربات حلويات (شيره او قطر ) ونسقطها فيها ونسيبها دقيقه واحده بس وبعدين نطلعها عشان ما تشربش سكر كتير اوي

بعد كده بكيس الكريمه بقى نحشيها كاستر ونزينها بالمكسرات او فواكهه جافه او كمبود اي حاجه الى تحبيه وبتكون شكلها كده




ونرصها بقى زي ما تحبي حاجه زي كده مثلا






ممكن كمان تعمليها على الشكله ده انك تقفلي القطايف من الجنبين بس فبتكون زي المركب كده ركزي كده فى الصوره دي









او تقفليها من الاربع نواحي وتبقى مربعه كده بتكون جميله اوي اوي وبتاخد حشو كتير






واتمنى تكون عجبتكم ان شاء الله


واستنوا المفجأه الكبيييييييييييره بقى لعشاق الشيكولاته عاملاكم قطايف بالشيكولات الى كلوها عندي اغمى عليهم يومين بعدها

هههههههههههههههههههههههههه



الى يجرب يقولي يا ولاد بسررررررررررعه رمضان هايخلص وانتم بتدلعوا على فكره






هناك 8 تعليقات:

نكهة مغربية يقول...

تسلميلي من كل شر يا عسل
و الله يجننو بس أنا كنت حبة اللي مقفولين التانيين اللي زي السمبوسة ممكن تقوليلي الحشوة ايه؟؟؟
شكرا يا عسل و دمتي بألف خير

ঔღঔ نـــوارة ঔღঔ يقول...

حرررررركة خطيرة الصراحة

وطعمها يجننننننن اكيييد

تسلم ايدك ياقمراية

صبرني يارب يقول...

نكهه

عينى يا جميل بكره انزلك الطريقه التقليديه للقطايف

هى عموما بتبقى حشوتها مكسرات وكده

معلش بكره هاقولك عليها اصل انا واخده انفلونزا ومش شايفه قدامي

نورتي يا جميل

صبرني يارب يقول...

نواره

تسلمي يا نواره ربنا يكرمك

يلا جربي بقى وفرجينا

مي يقول...

وعملتهااااااااااااااااااااا الحمد لله رهيييييييييييييييييبة بس بابا مش بيتكلم من ساعتها بس بيشاور انها عجبته هههههههههههههههه
تسلمى لنا يا قمراية

فاتيما يقول...

و الله يا صبصب تسلم إيديكى
و عنيكى و دماغك و نفسك الحلو دا

صبرني يارب يقول...

مي
ههههههههههههههههههه

يخرب عقلك عملتي ايه فى الراجل

يمكن من فرط الانفعال بجمالها يا اختي

هههههههههههه

تسلمى انتى يارب والف هنا لكم

صبرني يارب يقول...

فاتيما

تسلمى يا جميل والف هنا