عملتوا المايونيز ؟؟؟
شكلكم كسلانين ولا هاتعملوا حاجه
الحريم الايام دي بقول شلت على راي خالتي فرنسا
المهم
نعمل الكول سلو بقى بسرعه عشان عايزه انام
المقادير :
كوب مايونيز (من الى عاملينه امبارح )
نص كوب حليب
ملعقه كبيره سكر
ملعقه كبيره خل
كوبايتين كرنب ابيض مفروم او مبشور او اي حاجه المهم يكون مقطع رفيع اوي
نص كوب جزر مبشور او مفروم
الطريقه
بنحط المايونيز على الحليب والسكر والخل فى الخلاط ونخلطهم دقيقه واحده بس على ما يتجانسوا وبيبقى شكلها زي المايونيز كده بس خفيفه شويه لكن ما تخفيهاش اوي لو حطيتى نص كوباية لبن ولقيتها لسه تقيله حطي شوية لبن صغيرين كمان واخلطي وهاتبقى ميه ميه ان شاء الله
وبعدين فى وعاء عميق (ولا ابله نظيره يا ولاد) تخلطي الكرنب مع الجزر وتصبي عليه الكلام الى حطيناه فوق فى الخلاط وتقلبيه
وتسيبه الخطه على الاقل 2 ساعتين قبل فى التلاجه قبل الاكل وتغطيها كويس
بس كده وتاكلوها بقى ولا نيجى ناكلها لكم كمان
طبعاااااا ممكن تزودي الجزر وتقللي الكرنب
ولو حسيتى ان السلطه طالعه ناشفه اعملي شوية مايونيز على حليب وسكر تااااني وحطيهم
وفى ناس بتحط فيها بسله بتبقى حلوه اوي
وممكن تحطي خس على فكره كمان بيبقى جميل
بس كده وشكلها طبعا فووووووق لقيتها مش محتاجه لصور فى الخطوات
وبس كده تاكلوها بقى بمعلقه ههههههههههههه
ولا تحبوا نيجى ناكلها احنا
الى يجرب يقولي
ومقدما عشان ما حدش يبوظ الوصفه ويجى يتكلم هنا
زوجة جربتها وقالتلى انها طلعت معاها تحفه
من الاخر الى هاتبوظها انا مش مسؤله يا هوانم
16 التعليقات:
يظهر ان الاكل النهارده تقيل على الياهو
يا عينى على الصبر
من جمال الاكل
الاكل ببطئ
كلو سلو
هو ده المعني مش كده
تحياتي
بيبرس
طب انت الى تقلت فى الاكل وتقلت ياهو باين
ههههه
أحوال الهوى
هههههههههههههههههه
ناكل بالراحه طبعا
صبصبتي
الله عليككي بجد لازم هعملها وهقولك النتيجه
المره الجايه فراخ بقي والا هعتصم هنا
مولان يا قلبي عنيه والله
ان شاء الله المره الجايه فراخ مفروسه
تسلم ايديك ياقمر انا كنت مختفيه علشان سيرفر النت كان عطلان هنا فى دبى بقاله 5 ايام
انا ان شاء الله هاعمله النهارده واكل البت بيبه كمان منه
اما بالنسبه للمايونيز فده قصه كبيرة فى عمايله
انا باجيب مايونيز لايت من السوبر ماركت وخلاص
بس انا قريت الطريقه بتاعتك وعجبتنى بس تنفيذها عايز وقت ومجهود ياصبرنى وانا عازمه بيبه وجوزها وعيالها والشغاله على الغدا عندى النهارده
ولسه فاضلى الخضار والسلطات والحلو
بس انا قلت لازم اعدى عليك ياجميل واسلم - وحشتينى
داليا
عمايله سهله والله انتى الى كسلانه يا دولي
بس ماشي زي بعضه عشان اول مره وعزومه وبتاع
سلميلى على بيبه وقوليلها يارب تعقلي هههههههههههه
طب اجي انا كمان اكل عندكم ؟
تنورى ياقمر - انويها بس وانا اعملك عزومه لوحدك ياجميل
وهاتى العيال وابوهم معاك مايهميكيش
انا لازم لما انزل مصر ااقابلك
تحياتى ليك
السلام عليكم ورحمة الله وبركاته
تسلم الايادي يا صب صب
عارفه في حاجه كمان عشان السلطه ما تبقاش دسمه اوي انك تحطي نص كمية المايونيز والباقي يبقي زبادي عشان تقللي الدسم
والسلطه اللي فيها بسله دي السلطه الروسي يتبقي بسله وجزر متقطه مكعبات صغيره وفاصوليا خضرا متقطعه صغير وبطاطس مسلوقه مقطعه مكعبات وبيتقلبوا علي بعض مع خلطة مايونيز زي دي وشوية زيت زيتون صغيرين وملح وفلفل ونص ملعقة خل وبالف هنا
وكمان فيه البطاطس المسلوقه مع المايونيز : بطاطس مسلوقه ومقطعه مكعبات وفص ثوم مفروم وعليهم ملعقه كبيره او اتنين مايونيز حسب كمية البطاطس وتقلبيهم وتاكلي احلي سلطه
وفيه المايونيز بالبيض وده بيض مسلوق تقسمي البيضه نصين وتاخدي الصفار تقلبيه مع شوية مايونيز وعصير ليمون وشوية مسترده صغيرين وفلفل وملح وترجعي تحطيهم جوا البياض تاني وتزوقيهم بانصاف زيتون اسود وبقدونس مفروم ويتقدم مع عيش متقطع حتت صغيره ومتحمص بيبقوا شكلهم حلو اوي واستايل في العزومات
دا طبعا غير المايونيز علي الكاتشاب اللي بيتحط علي الفراخ البانيه او البروست او البطاطس المقليه
ولو افتكرت حاجه تانيه هاقولك عليها ان شاء الله
سلام
انا مش بحب الكرنب ينفع حاجة مكانه؟
تحياتي
بنت الغربه
يا حبيبتى تسلمي وان شاء الله ربنا يسهل ونشوفك
خمسه فضفضه
سلطات المايونيز كتيره جداااااااااا
وانشاء الله هانتكلم عنها مرات جايه
بس حكاية الزبادي دي ما حبيتهاش بتغير طعم الكول سلو شويه بس عادي تمشي
أناحر
تنفع بالخص وتنفع بالبسله والجزر
وتنفع باي حاجه تعجبك
وينفع ما تاكلش كول سلو ياعم اصلا هههههههههههههههه
نورت
希望大家都會非常非常幸福~
「朵朵小語‧優美的眷戀在這個世界上，最重要的一件事，就是好好愛自己。好好愛自己，你的眼睛才能看見天空的美麗，耳朵才能聽見山水的清音。好好愛自己，你才能體會所有美好的東西，所有的文字與音符才能像清泉一樣注入你的心靈。好好愛自己，你才有愛人的能力，也才有讓別人愛上你的魅力。而愛自己的第一步，就是切斷讓自己覺得黏膩的過去，以無沾無滯的輕快心情，大步走向前去。愛自己的第二步，則是隨時保持孩子般的好奇，願意接受未知的指引；也隨時可以拋卻不再需要的行囊，一路雲淡風輕。親愛的，你是天地之間獨一無二的旅人，在陽光與月光的交替之中瀟灑獨行.............................................................................................................有時，你覺得痛。胃痛的時候，接受它，承認這個疼痛是你的身體的一部份，與它和平共處。心痛的時候，接受它，承認這個經驗是你的生命的一部份，與它和平共處。抗拒痛的存在，只會讓它更要證明它的存在，於是你就更痛。所以，.無論你有多麼不喜歡痛的感覺，還是要接納這個痛的事實。與你的痛站在同一邊，不逃避，不閃躲，不再與你的痛爭執，如此，你的痛才會漸漸不再胡鬧，才會乖乖平息下去。.................心願-你許下了一個心願，你閉上眼睛，在冥想之中把這個心願交託宙給宇整個讓宇宙推動它全部的力.量去執行.，你看見星球與星球的引力牽繫著彼此，你聽見虛空與虛空.唱裡著和妙美的聲音，為了你的心願，整個宇宙正在相互傳遞，然後你放下了心願，不僅是放下，最好你還把你的心願忘記，唯有如此，它才能脫離你，發展它自己，
當它在宇宙的遊歷結束之後，它自然會來到你身邊，以你曾經希望的方式回應你，許下，只是讓它發生，放下，才是讓>它實現，你的心願使你懂得不能執著的奧秘...................
إرسال تعليق