السبت، 7 فبراير، 2009

اكلير بالشيكولاته





الاكلير بالشيكولاته

طبعا انا باموت فيه يا جماعه الاكلير ده واكيد اكيد انتم كمان بتحبوه


وفى ميت حد طالبه مني عشان كده تلاقوني عماله اعمل بوستات ورا بعض

هو مشكلته انه موال شويه من حيث انك بتعملي ميت حاجه معاه عشان يكتمل


هانحتاج هنا عشان نعمله الآآآآتي








من النوع الاولاني الجامد


نبدأ الشغل بقى


احنا بعد ما جهزنا العجينه زي كده بالظبط



هانجيب العجينه دي او جزء منها ونحطه فى قمع الكريمه او حتى كيس بلاستيك عادي جدا ونعمل فاتحه فى الكورنر بتاعه من تحت

المهم اننا نشكل الاكليز زي الصوره دي مثلا

وده اكتر شكل انا باحبه وافضله مش عارفه ليه


وممكن كمان نعمله على شكل صوابع طويله او وردات او اي شكل تاني

المهم هانبطن الصنيه الاول زي ما انتم شايفين عشان ما يلزقش وبعد كده نشكله زي ماهو فوق كده


ونحطه فى فرن حامي حوالي 200 درجه وبتقعد حوالي 20 دقيقه المهم نبص عليها بعد ربع ساعه كده ونستنى لما يبقى لونها دهبي زي كده




وطبعا لاااازما ولا بد تنتفخ زي الصوره دي بالظبط كده والا تبقى العجينه بتاعتكم مش مظبوطه


بعد كده هانجيب مقدار من الكريم الباتسيير وطبعا انا عملته بالشيكولاته هنا اهو عشان يبقى لايق على القاعده المشكلته دي .


وعلى فكره يفنع كاستر برضه بالشيكولاته مش هايقول لا


وينفع كريم شانتيه والله مش هايقول لا برضه زي ما تحبوا


هانحط الكريم باتسيير بقى فى قمع الكريمه برضه او قرطاس الكريمه ونحط القمع الى مافيش فيه نقشه وله بوز رفيع نسيت اصوره معلش


وبعدين نمسك الاكليره ونعمل فيها فتحه من تحت زي الصوره دي بالظبط وممكن نعمل الفاتحه من الجنب برضه عادي




وبالقمع ونحشيها بالكريم باتسيير نملاها به


وبعد ما نخلص الكميه دي


نجيب صوص الشيكولاته الى احنا عاملينه قبل كده ومجهزينه ودافي عشان يبقى سايح ونمسك الاكليره ونحط وشها فى الصوص ونطلعها ونرص على صنيه كده



ولما تبرد الشيكولاته عليه وتجمد نبدأ نشيله واحده واحده بمقصوصه او حاجه عشان الشيكولاته هاتكون لازقه فى الصنيه وبعدين نرصها فى طبق زي كده


اه وطبعا ممكن نعمله بالشيكولاته البيضا او نعمله شويه كده وشويه كده يبقى زي الصوره الى فوق خالص دي بيبقى مالوش حل بشكله فى الطبق

وبالهنا والشفا


اه بالنسبه لمقدار عجية الاكلير الى عملناه تحت ده يعمل حوالي 3 اطباق من الى في الصوره ده وجايز اكتر كمان


وممنوع اي افتكاسات وحد يقولي احط بكنج بورد عشان ترتفع اكتر لا البكنج بودر هايخليه يفرش البيض هايعمل كل حاجه ما تقلقوش


وطبعا طبعا الى يجرب يقولي


ومافيش مانع يدوقني يا بت يا هبه يا مصوره خايبه ومساعده عبيطه





هناك 11 تعليقًا:

بنت الغربة يقول...

حلوة قوى ياقمر
انا اكيد هاعملها ان شاء الله
انا مستنيه البريفترول
مع انى عملته للباشا اكتر من مرة
بس برضه دايما بيقولى مش زى اللى كانت مامى بتعمله
لما انا والله زهقت فى الاخر وقلتله ده اللى انا باعرف اعمله
بلاش تاكل منه
وبرضه بياكل....راجل غريب
تحياتى ياقمر

صبرني يارب يقول...

تسلمى يا جميل

بصي البلفترول ان شاء الله المره الجايه بقى معلش نعمل حاجه حادقه بقى الاول اصل الناس نفسها تجزع يا اختي
هههههههههههه

وعموما هو سهل جداااااااا لو كنتى عندك الاكلير جاهز

وبالنسبه لمامي دي غلطتك يا فندم كان من اول مره يقولك مامي بتعمله احسن

طيب يا حبيبى روح لمامي تعملهولك وتعملي نفسك بقى زعلانه مقموصه وما عدتش عاملالك حاجه يا ضنا مامي

معلش اصل جوزك ده عايز معامله خاصه

انا مش باهدي النفوس بس جربي

mony يقول...

الله الله الله

ايوة كده يا صبرني جيتي علي الوجيعة

انا بمووووت في الحلويات ديه


اكلير بالشيكولاتة
احمد يا رب



تسلم ايدك يا جميل

طيب انا ادوقك ازاي طيب

biberss222 يقول...

يا ستى اشتغلى بقي حلوانيه
وانا اول زبون

ارحمينا شويه

افتحى المحل و احنا نشتري

كله صور صور

صبرني يارب يقول...

موني
تسلمى وتعيشي يا موني

بصي اثنين ثلاثه كده فى ظرف وعلى الدي اتش ال

ههههههههههههههههه
بس ابقى قوليل لو عملتيه

صبرني يارب يقول...

بيبرس
هههههههههههههههههههههههههه

طيب انا ممكن ابعتك لحلواني كويس هههههههههههههههههه

نورت

فتافيت يقول...

يا سلام يا سلام

الله الله .. انا هاجي هنا كتير .. ده انتى هاتكسبي فيا ثواب كبير

سلام يا جميل

nour shahen يقول...

ما شاء الله
حلو جدا الركن دا
بس لازم تركزى اكتر علي الطبخات وطبعا المصريه بقى عذرا للاخوه العرب يعنى ساندينا شوية
فى كتير منا داخلين علي حرب زوجيه وانتى عارفه الفضايح اللي من النوع دا ههههههههههه ربنا يستر علي الجميع

موفقه دايما

تحياتى

صبرني يارب يقول...

فتافيت

يااااااه تنوري يا جميل انا تحت امرك

صبرني يارب يقول...

نور شاهين

يا حياتي انتى امري بس

انا ناويه فعلا انزل اكلات عاديه مش بس حاجات غريبه او صعبه يعنى

بس انتى بسسسسس قوليلى عايزه ايه وانا اقول على طول ان شاء الله

الورده يقول...

بصراحه تسلم ايدك على الاكلير انا هجربها لسه انا مبتدئه اصلي وكل يوم اجرب في الناس الي في البيت هنا حاجه وهعملها واقولك رايهم بس يارب تعجبهم