سلاااااااام عليكم
النهارده يا جماعه هانعمل اكله سهله اوي وجميله اوي
ولأجل خاطر عيون الجميله ريم
بسكوته يا اخواتي البت دي
هى قالتلى ان جوزها وولادها بيحبوا النودلز وعليه فقررنا استعجال النودلز ولو ان انا كنت ناويه لكم على كشري بس زي بعضه نمشيها نودلز
الاكل بتاع النهارده ده بالكتييييييييير نص ساعه يكون خلصان
قدامي على الشغل بقى
هنعمل كميه تكفي تقريبا 3 اشخاص
نحتاج 2 باكيت نودلز (ممكن نجيبه بالدجاج الخضروات اي حاجه تمشي مع الدجاج )
وكمان صدر فرخه مخلي ومقطع مكعبات
فلفل ملون (اخضر اصفر ا حمر ) ونقطعه مكعبات
جزره كبيره مقطعه مكعبات
وأي مكونات تانيه بنحبها
ممكن ماشروم او بسله
اول حاجه بقى هانعملها هانقطع الفراخ كده
ونروح على طاسه على النار ونحط نص معلقة سمن او زيت ولما يسخن هانزل الفراخ عليه ونقلب وبعدين نحط بقى التوابل الى نحبها
احيانا بتكون النودلز معاها كيس توابل خاص كده انا باحطه على الفراخ بقى ومعاه اي حاجه احبها
وساعات احط كاري وسماق بيبقى حلو برضه
هانحط التوابل ونقلب ونسيبها على النار شويه حوالي عشر دقايق بس هاتكون بدأت تستوي وتكون كده
انا بقى على ما صدور الدجاج تستوي ما نقفش فاضيين
نكون حاطين على النار حوالي 3 كوبايا مايه ولما يغلوا نسقط فيهم النودلز ويادوب 3 دقايق ونطلعها عشان ما تبقاش مهريه
ونصفيهافى مصفاه كده ونحط عليها مايه عشان ما تعجنش برضه من السخونيه ونسيبها تصفى
ونرجع للفراخ بقى هاتكون بدأت تستوى نحط عليها الجزر ونسيبه خمس دقايق كده يادوب هو كمان يبدأ يستوي ويكون كدهوممكن هنا بقى نحط مع الجزر بسله او مشروم
وبعدين فى الاخر بقى نضيف الفلفل الالوان انا ما كانش عندي النهارده الا احمر ماشي الحال
وممكن كمان نزود مكعبات طماطم على خفيف
ونقلب وطبعا نحط ملح مع الحاجات دي ونسيبها على النار يادوب 3 دقايق
ونقلب وطبعا نحط ملح مع الحاجات دي ونسيبها على النار يادوب 3 دقايق
لو كنا هناكل خلاص دلوقتي حااااالا
يبقى ناخد النودلز المسلوقه وننزلها على الفراخ الى عملناها مع الخضروات ونقلب بقى بالراحه عشان ما نهرسش الحاجات
عارفين الشيفات الصينى الى بيجبوهم يقلبوا الحاجات كده لفوق والحركات دي
بس ما تعملوش كده مش عايزين نولع فى البيت النهارده
هانقلبها يادوب كده تسخن وتاخد صوص الفراخ يادوب دقيقتين
وتكون جاهزه خلاص للاكل وتكون زي الصوره الى فوق دي
وطبعا مع اضافة بسله وفلفل اوان بيبقى الوان الطبق تحففففه
مافيش اسهل من كده بقى
يعنى نعمل ايه بقى عشان الشت تتحرك من مكانها
مافيش غير اننا ننجد الشلت بقى وطاخ طاخ طاخ
ورونا الهمه ويارب تعجبكم
هناك 12 تعليقًا:
ألهمك الله الصبر أم مريم
لي رجاء أن تعلمينا طريقة عمل النودلز في المنزل. أنا والدتي رفضت الجاهزة.
تحياتي
أبو شوشو
أبو شوشو
والله ما اعرف بتتعمل ازاي بس ادورلك انا شوفتهم بيعملوها فى الصين فى التلفزيون
بس لو ماماتك رافضه الجاهزه اعملوا مكرونه طيب هاتمشي برضه والله
انا ساعات باعملها
هاشوف واقولك
يخرب عقلك يابنتي
وانا عمالة اقوول مين النودلز دا
بس بالاخر اكتشفت انه الاندومي
انا بعرفه بالاسم دا
انا بحبه موووووت بس الصراحة انا بعمل باكيت اندومي مع البهارات الي معاه عادي عمري ما ضفتله اي اضافات
اكييييييييد هجربها لما اجيب اندومي ^ـ*
الطريقة سهلة جدا وخطيررررررة
تسلم ايدك ريقي جري عليها :]
وحشاني ياقمر
اموووووووواه
يا حبيبة قلبي انتى
والله مش عارفه اقولك ايه
بتحرجينى بذوقك واخلاقك العالية
وبعدين انتى اللى بسكوتة وغريبة وكحك كمان
عسوله فعلا وسهلة جدا
واكيد هاتطلع لذيذة لانها من ايدين صبرنى الجميلة حبيبتى
بكرا ان شاء الله هاعملها واقولك ياقمر
نوراه
هى اسمها نودلز يا جميل
انما اندومي ده اسم تجاري يعنى
يلا اعملي وورينى
منووووره البلوج
ريم
تسلمى يا جميل
يلا بسرعه جربي وخلي جوزك يسجل بقى
سلام عليكم:
بالنسبة لكعك البيتي فور لما قريت المقادير لم اعرف بالضبط مقدار البيكنج بودر انت كتبت كيس بكنج بودر او 2 ملعقة كبيرة و احنا في بلدنا كيس بيكنج بودر فيه ملعقتين صغيرتين المخصصة لسكر القهوة فاحترت اختي اظن ملعقتين صغيرة و ليس كبيرة فمن فضلك وضحيلي اعمل كم بالضبط لان الوصفة اعجبتني و اريد ان اعملها اليوم او غدا و اشكرك على رد عني في وصفة البسبوسة الاردنية و كما اعلمك اني جربت بعض وصفاتك فكانت صحيحة فالبارحة مثلا طبخت مقرونة بالباشميل على طريقتك فكانت لذيذة لان الباشميل انا كنت اعملها بدون بيض فشكرا لك
مستعجلة بالرد .
نوره
عنيه يا جميل
وانا مبسوطه اوي انك بتعملي وصفاتي وبتطلع معاكي
بالنسبه لكيس ا لبكنج بودر الحقيقه هو كان زمان بيجى معلقتي كبار مسطحين
دلوقتي نزل عليه التخفيض عندنا برضه وبقى حوالي معلقتين صغيرين مليانين
فانتى اعملي معلقتين صغيرين مليانين
وان شاء الله هايطلع تمام
واي خدمه يا جميل
وابقى قوليلي طلع ايه معاكي
وبالهنا المكرونه والبسبوسه يا قمر
شكرا اختي الجميلة على الرد السريع ايضا كنت اصلا مش فاهمة معنى المسقعة خاصة لما اشوفها في الافلام المصرية اذكر فيلم صغيرة على الحب و موعد على العشاء فاليوم كتبتها من عندك و اعجبتني الوصفة جدااااا و عن قريب ساحضرها و اقولك كيف كان طعمها مع تحياتي لك و انا متابعة كل اعمالك في المطبخ .
ماشي يا نواره
بس خلي بالك المسقعه الى عندك على المدونه مش المسقعه الىكانت فى فيلم صغيره على الحب
هههههههههههههههههههههه
المسقعه بتاعتي مودرن شويه بالبشاميل
عووووونيه ليكى اعملك مسقعه تقليديه
الصور جاهزه عندي هانزلها على طول
بما انك انسانة طيبة هذا احساسي و الله عندي بعض الاسئلة عن المطبخ المصري لاني اراها في المسلسلات و الافلام المصرية و لا افهمها .
و ساعطيك راي في كل وصفة اجربها من وصفاتك ...
نهاية اسبوع جميلة لك و لاسرتك الاجمل
مع تحياتي
عنيه يا نوره والله
نجيب الاكل ونجيلك كلنا المصريين يعنى
ههههههههههههههه
إرسال تعليق