السبت، 23 يناير 2010

تخزين الخضار والفاكهه.. بسله وقلقاس وفراوله


السلاااااااااام عليكم


ايه رايكم فى المدونه كده يا قوم

طلعت عينى بصراحه برضه انا باستهبل وقاعده الف واعمل حاجات ماليش فيها يلا مش مهم ادينا بنتعلم فيكم

بس لو حد يعرف ازاي اشيل طابخين ايه النهارده الى فوق يقولي والنبى عشان انا مش عارفه اشيلها طلعت روحي

هى الى فوق دي تبع التمبلت نفسه انما الى تحت من ضمن البانر

ما علينا


واندا حبيبتى طلبت مني قلقاس

طبعا تحت امرك يا جميل بس النهارده هانشرتي ا لقلقاس بس ونجهزه مع باقي الخضار

وهانزلهولك عنيه المره الجايه بقى طبخه

طبعا احنا دلوقتي فى الشتاء وعايزين نخزن خضار الشتا بقى زي ما عملنا فى الصيف وخزنا باميا وملوخيه وبتنجان

النهارده هانخزن بسله وقلقاس وفراوله


اول حاجه البسله

سهله اوي طبعا فى بسله مجمده فى السوق كتير بس بصراحه ما بتبقاش اد كده والبسله الى بتتباع مفرطه جاهزه انا جربتها برضه ما كانتش اوي لانهم بيفرطوا البسله الناشفه الى مش تمام

بس الحقيقه تفريط البسله ده بالنوسبه لي عذاب الحقيقه ما باحبش الشغل المفقعه الى هو نقعد ساعتين قدام الشغلانه وكده

المهم هانجيب البسله وننقيها تكون خضرا ومنعنعه ونفتح منها كده واحده نشوفها مليانه ولا فاضيه وندوقها نشوفها مسكره وطريه ولا ناشفه ومالهاش طعم

بعدين نفرط البسله ونغسلها ونصفيها فى مصفى كده



وبعدين نحطها فى حله على النار مع ربع كوباية مايه لو الكميه قليله زي دي يعنى ومافيش يعنى عشر دقايق كده ونقلبها (ننطقها بالحله كده)

وناخد بالنا احشن المايه تنشف وتتحرق ا لبسله وجوزك يجى يعضك

المهم ربع ساعه بالكتير ونقفل عليها هاتكون استوت نص سوى

ونسيبها تبرد ونعبيها فى اكياس ونحطها فى الفريزر (اعملوا الاكياس زي ما علمتكم فى بوست التلاجه )

نقول تااااااني

نحط كميه على استخدام مره بحيث تكون حوالي نص الكيس يعنى كبري الكيس بقى على حسب ومش نربط الكيس لا نطبه ونتنيه لفوق بس عشان نخلي الكيس مسطح زي الفراوله الى تحت كده

عشان نسيت اصور البسله

وممكن كمان نعمل مع البسله جزر قبل ما نحطها على النار وتبقى جاهزه بقى على الطبيخ على طول من الفريزر على الحله دوغري


فى ناس بتخزن البسله من غير ما تسويها بس الحقيقه انا جربتها لقيت طعمها بيبقى متغير شويه وما عجبتنيش



وبس خلاص

ننتقل الى القلقاس يا واندا

ركزي بقى

ادي صورة القلقاس المصري يا جدعان


احنا هانقشره كده وبعدين قبل ما نقطعه ممكن نغسله بس ننشفه كويس اوي بفوطه ناشفه ونضيفه

بس المشكله انه لما بيتغسل بيزحلق شويه فى التقطيع فى ناس مش بتغسله وبتمسحه بس بفوطه نضيفه بس قلبي ما بيجبنيش
المهم ننشفه كويس عشان ما يتزحلقش مننا واحنا بنقطعه




بعد كده نقطعه مكعبات يعنى سم *سم مثلا على اد بؤكم يعنى ههههههههههههههههههههه
كل ما ماما او حماتي ياكلوا عندي قلقاس لازم يتريقوا على قلقاسي عشان القطع كبيره طبعا باقطع كبير عشان اخللللللص ماليش روح انا
ههههههههههههههههههههه
المهم هانقطعه الاول دواير وبعدي كده بالطول نقطعه وبعدين نقطعه تاني بالعكس فيطلع مربعات ودي اسهل طريقه على لوحة التقطيع
ويبقى شكله ده


معلش الصور اي كلام هارمي الموبايل ده ان شاء ا لله


وبعد كده نعمله اكياس ونحطه فى الفريزر من غير ما نسويه ولا حاجه ونطلعه من الفريزر على الحله على طوووووووول مش نسيبه يفك

فى ناس بتسلقه الاول بس انا مش باحب اعمل كده اطلااااااقا بيبقى ملزق وغامق وبايخ موت


نيجى للفراوله

ياختي عليها حمرا وجميله
دلوقتي فى فراوله كتير فى السوق والفراوله من الفاكهه الحلوه اووووووي
فى الاكل والعصير والمربى وكتير باحتاجها فى غير موسمها او فى وقت ما ينفعش حد ينزل يجيب
لو باعمل سلطة فواكه ولا تورته وعايزه ازوقها كده يعنى
وكمان لو مخزناها للعصير بتنفع جدا فى حال جالي ضيوف فجاه مثلا وما اكثرهم عندي

الفراوله طبعا ناخد بالنا ننقيها مش كبيره اوي عشان الكبيره بتبقى مالهاش طعم
وتكون سليمه ومش حامضه ومش خضرا وبالورده بتاعتها
هانجيبها ونغسلها كويس لو هناكلها فى ساعتها ممكن بالسكينه ونشيل الورده ومنبتها
اما لو هاتحطيها شويه فى التلاجه او هاتخزنيها شيلى الورده بايدك بس عشان ما تسردش مايه او تحمض لو فى التلاجه
تبقى زي كده

لو هانخزنها عشان عصير يبقى عادي نحطها على بعضها فى كيس وزي ما علمتكم بقى انتم عارفين


بس انا عاده وانا باغسل الفراوله انقي كدا شويه الى شكل الفراولايه وحجمها مثالي لا صغيره اوي ولا مبعجره ولا شكلها عجيب


ماهو فى حاجات غريبه كده فى السوق الايام دي الله اعلم احنا بناكل ايه


المهم بانقيهم كده مثاليين واسيب الورده بتاعتهم فيهم عشان الورده بتخليها تحتفظ اكتر بشكلها وباحطها في كيس بحيث الفراوله تبقى جمب بعضها مش لازقين فى بعض ولا فوق بعض زي الصوره دي كده



وده بقى باشيله على جنب فى الفريزر عشان لو احتاجته فى تزيين او فروت سلاد لو تجميد الفريزر بتاعك حلو هاتطلع الفرولايه محتفظه بشكلها نسبيا (ساعات الكيس ده بيفك معايا ازمه )


بس خلاص يا حلوين


المره الجايه بقى وعليكم خير نطبخ القلقاس لواندا





هناك 22 تعليقًا:

Wanda يقول...

جميل
فى انتظارك
بس والنبى مترميش الموبيل اهو بينورنا برضه اهو
و انا كمان بحب القلقاس مكعبات متوسطة لا كبير قوى و لا صغير نمنم قوى

بس خليى بالك ليا فى القلقاس الى بالسلق مش الاحمر
مدونة طلباتها كثير
بس الفرولة لما تفك مبتبقاش متهتكة و ميتها بتنزل على طول ؟؟

صبرني يارب يقول...

واندا

لا احمر ايه

ولا انا ليا فى الاحمر

يو ويل سي

الفراوله بقى يا ستى لو كان التلاجه بتاعتك قويه بتجمد بسرعه والفراوله كانت قبل ماتجمديها ماسكه نفسها مش مستويه اوي

هاتطلع مش بطاله

يعنى تنفع بس لازم تدهن بقى جيلاتين وكده عشان تبقى شكلها معقول

اي خدمه

Wanda يقول...

صبرنى بصى بقى
انا معلش صريحة و حقول على طول
انا متغاظة منك :-)
قعدة اذاكر و معدتى بتصوصو و بسكتها بانى بعملها شوربة اهو
الاقى بتسالى فاتيما ممكن تجيبى فطير مشلتت
طبعا معدتى عملت اضراب على الشوربة
اصل بموت فى المشلتت بالعسل الابيض
:-)))) يام يام

يعنى
ارجو مراعاة مشاعر الجعانين الى ميقدروش يحضروا لقائات
:-(((((
و ابقى فجئيهم بالفطير على اللقاء
كده حتلاقى مصر كلها واقفة على باب نادى الزراعين
و خبر المشلتت حيتذاع فى الانباء البى بى سى
و مرسى ابن المعلم الزناتى اتهزم يا ميينز

صبرني يارب يقول...

واندا
ههههههههههههههههههههههههههههههههههههههه

والله يا اختي مش هاينفع ا خد عسل معايا

وبعدين استنى لما اشوف ام سماح فاضيه تعملنا ولا ايه هههههههههههههههههههه

والله ما كنت ناويه اقول بس ريم فكرتنى بحكاية ان النادي ممكن ما يدخلش اكل

فقلت اسال

طب حقك عليا ياواندا تعالي بس واحنا نجيبلك كل الفطير والعسل الى فى البلد



بس فى مشكله

مش هاعرف اخد معايا عسل هناك هاتبقى تلزيق بقى وكده
ههههههههههههههه
(وش مطلع لسانه )

أُمَ سوريا يقول...

شكراً جزيلاً لوصفاتك الرائعة، إنها أول مرة أشاهد فيها قلقاس، فأنا صراحة لا أعرفه.
جزاك الله كل خير أختي.

المحبة في الله ندى يقول...

ربنا يكرمكانا كانن نفسي فعلا اخزن فراولهمكنتش بتنجح معايا هاجرب طريقتك ان شاء الله

صبرني يارب يقول...

ام سوريا

هو انا عارفه القلقاس المصري مش معروف الا فى مصر وعند المصريين

كان فى بره مره شوفت قلقاس باكستاني بس الحقيقه ما جربتوش ومااعرفش زي بتاعنا ولا ايه

لكن شكله مختلف كتير

مش عارفه ايه موقف القلقاس فى اسبانيا بقى

نورتي يا ام سوريا وانا زورتك بس لسه هاجي الف شويه بقى وادوق واقول وكده

صبرني يارب يقول...

المحبه فى الله ندى

اوك جربي شويه
وبعد اسبوع ولا حاجه جربي طلعي جزء واستعمليه وشوفي هايبقى ازاي معاكي

نورتي يا جميل

الجواز و سنينه يقول...

بصى بقى يا صبصب و ادلع
انا لسه مش عملت الاكلير و كل يوم ادخل عندك المدونه و اقول هاعمله
و جبت كل حاجاته خلاص
بعنى فاضل الشملله بس
و كمان لجل ما ادخل عدك كل يوم مش بسيف الطرقه على الجهاز
لاء بدخل كل يوم عندك
يعنى من الاخر جوعتينى و هاتخن و هاتكونى انتى السبب
واندا طلعت بنت
الحمد لله
هيه زى السكر بس مش عارفه ليه مش عامله بلوج ليها
مش عارفه بقيت رغايه كيك اكلير كمان
صحيح
ممكن تقوليلى على طرقه حلوه للثوميه علشان جربت اكتر من واحده طلعت يعععع
و ياسلام على شويه سلطات من بتوع تكا دول بيهبلوا
تصدقى هاقوم اعمل دلوقت الاكلير
و امرى لله
ادعيلى

صبرني يارب يقول...

الجواز وسنينه

ده انا ده حظي عشان تنورينا يا قمر كل يوم

بصي بالنسبه للثوميه بصراحه عندي الشعب مالوش فيها فمش باعملها

موني الى هى مدام سلاموني كانت منزلاها عندها فى المدونه

ابقى بصي كده وانا هاحاول اجيبلك الرابط لو ما لقيتهاش

مدونة موني الرابط بتاعه هاتلاقيه بره عندي على المدونه فى مدونات مطبخيه صديقه

يلا بقى قوليلي عملتي ايه فى الاكلير

حـــواديت يقول...

مجهود رائع وجميل بجد
الله يعينك ويوفقك يارب دايما كده

صبرني يارب يقول...

حواديت

وش مبرق ومذبهل اولا

اسامه باشا عندنا يا مرحبتين

بهذه المناسبه السعيده انا هابعتلك كيسين قلقاس بقى

نورت يا باشا

Wanda يقول...

خلى بالك القلقاس نشف فى الفريزير و بعدين مش حتلاقى سلق ؟ نحفظه راخر؟؟؟

اه
تعرفى فى البان كيك
اديها بان كيك بمناسبة الفلانتين
علشان المخطوبات يتمنظروا على خطابهم بيها (هى صحيح مسح زور بس تتزوق حلو :-))

صبرني يارب يقول...

واندا مش عارفه القلقاس بتاعك معصلج معايا ليه

هاخلص الكورس بكره واشووووووف بقى الموضوع

والبان كيك ما عملتوش قبل كده بس نعمله ورانا ايه

ندخلها قائمه التجارب

منوره يا جميل

Wanda يقول...

انت ايه رايك فى الكلام ده ؟؟

صحيح مطبخيا :-))
http://dostor.org/authors/11/55/10/february/13/6292

اروح اغلس عليه فى القلقاس و لا اصبر؟؟

صبرني يارب يقول...

واندتي

اه شوفتها

ايه ده مت من ا لضحك عليه وعلى وصفه للملوخيه
ههههههههههههههههههههه

والنبى يا واندا هاعيط خلاص من حكاية القلقاس بتاعك ده

ايه ده مش معقول كده وربنا

هانزل اجيب الريدر من البت اختي الرخمه سالفاه عشان انزل صوره من على الموبايل بقىىىىىىىى

hana يقول...

ياربي تعرفي انا مكلتش القلقااس دة ابداً

يمكن عشان ماما مبتحبوش فمش بتعملو

بس وصفك لذيذ ومممتع بجد
خلاني عاوزة اكل هههههههههه


والفراولة لذيذة
تسلم اديكي الحلوووة


هنون

صبرني يارب يقول...

هنون

ماما بقى قوليلها ان احنا هانجوز بابا ان شاء الله
ههههههههههههههههههه

وانتى اتعلمي بقى الطبخ وخليكى جدعه

الشرقيه للتنظيف يقول...


شركة المثالية للتنظيف تسعد بتقديم خدماتها لعملائها بالمنطقة الشرقية خدمات تنظيف خدمات مكافحة حشرات خدمات تسليك مجاري المياه للمطابخ والحمامات جميع الخدمات المنزلية تجدونها مع شركة المثالية للتنظيف بافضل جودة وارخص الاسعار بالاعتماد علي كافة الادوات الحديثة والعمالة الماهرة

شركة المثالية للتنظيف
شركة المثالية للتنظيف بالدمام
شركة المثالية للتنظيف بالخبر

شركة المثالية للتنظيف
شركة المثالية للتنظيف بالاحساء
شركة المثالية للتنظيف بالجبيل

الشرقيه للتنظيف يقول...


شركة تنظيف بالاحساء
شركة تنظيف منازل بالاحساء
شركة تنظيف شقق بالاحساء

شركة تنظيف مجالس بالاحساء
شركة تنظيف مسابح بالاحساء
شركة صيانة مسابح بالاحساء

الشرقيه للتنظيف يقول...


شركة تنظيف منازل بالقطيف
شركة تنظيف شقق بالقطيف

شركة تنظيف مسابح بالقطيف
شركة صيانة مسابح بالقطيف

الشرقيه للتنظيف يقول...


شركة تنظيف بالجبيل
شركة تنظيف مجالس بالجبيل
شركة تنظيف خزانات بالجبيل
شركة تنظيف مسابح بالجبيل

شركة مكافحة حشرات بالجبيل
شركة رش مبيدات بالجبيل