الأحد، 3 يناير 2010

تورتة بالشيكولاته .... كل سنه وانتى طيبه يا ستيته (تحديييييث)



تحدثيييييييييث

اكتشفت ان امبارح كان عيد ميلاد نواره كمان والنبى ما كنت واخده بالي مع ان ستيته قالت بس السن بقى انتم عارفين

وعيد ميلاد مدونة عاشقة الرومانسيه كمان

حتى امبارح اخر الليل اكتشفت انه عيد ميلاد عمي

الله هى الدنيا كلها هاتتلم على التورته ولا ايه يا ستيته

مش معقول كده بقى

ههههههههههههههههههههههههههه

كل سنه وانتم طيبين جميعا ويارب سنه سعيده عليكم



***********************************************************************


كل سنه وانتى طيبه يا ستيته يا حياتي


انا عملتلك تورتايه مخصوص من الى انا باحبها واموووووووت فيها ووالشمع اهو كماااااان


ويارب عقبال ميت سنه وانتى بصحه وعافيه وهنا يارب










طبعا عشان ما حدش يقولي بتخمي ومش قلتي الطريقه




هى سهله جدا جدا


اولا هانحتاج 2 مقدار من الكيكه بالشيكولاته الى عملناها سوا المره الي فاتت




او اي مقدار كيك تحبيه او كيك اسفنجي




بس انا باحب الكيكه بتاعتي دي




هانعمل المقدارين فى صنيتين مدورين متوسطين الحجم او كبار بس يكونوا اد بعض




بعد كده هاعمل كريم شانتيه كتير شويه يعنى يجى اربع كوبايات كده كريمه شوفي بقى دول يبقوا بودره ادي ايه قولي اربع اكياس خمسه كده




ولو بالمعلقه قولي عشر معالق كبار مليانين




وتعملي الكريم شانتيه وتسبيه فى التلاجه




وطبعا الكيكه احنا عملناها وسبناها تبرد وطلعناها من الصنيه بتاعتها ونشق كل صنيه بالعرض عشان نحشيها يبقى كده عندنا اربع طبقات من الكيك




ولو مش عايزين نعمل كده ممكن نخليهم طبقتين بس ولا نقسم ولا حاجه وهاتبقى حلوه برضه بس نزود الكريم شويه فى النص




طبعا بين كل طابق والتاني من الاربع هانحط كريمه بكفايه وما نضغطش اوي عشان الكريمه ما تدخلش فى المسام وتبقى شكلها مش لطيف




بعد كده نكون مظبطين التورته وبعدين نخطيها كلها بالكريمه من كل النواحي ونساوي الجناب كويس ما تنسوش وهاتبقى شكلها كده






اه نسيت اقولكم ان هانغطي الجوانب ببشر الشيكولاته زي الصوره الى فوقيا دي




بش الشيكولاته فى التورتايه دي هانحتاج منها نوعين


نوع نعمله بالمبشره العاديه وبيكون ده شويه ناعم ينفع نغطي به التورتايه كلها عموما وهانبدا الاول بالجوانب نغطيها كويس وده بيدى ثبات اكتر لشكل التورته




بعد كده نرش كمان على وض التورتايه بشر شيكولاته من الى عملنا بالمبشره ده بس مش كتير زي الجوانب عشان لسه هانشتغل عليه




بعد كده هنعمل وردات ونزينها بالكريز المعلب او فراوله طازه حتى تمشي برضه (بس لو فراوله لازم نحطها فى شربات شويه او نلمعها بالجيلى عشان ما تطفاش وتسرد مايه )











ركزوا بقى فى الشيكولاته الى على الوش دي انا عملتها ازاي





دي ما تنفعش بالمبشره العاديه





اولا الشيكولاته لازم تكون مش جامده اوي ما تكونش فى التلاجه وباعمل ده بالمقشره عارفين المقشره بتاعة البطاطس ؟



ايوه بالمقشره دي وباعملها تطلع شكلها زي لحاء الشجر كده





اهو يا ستيته شايفه التشبيهات ؟؟ لحاء شجر عشان تعرفي ان التورته دي تبعك





ونرشها بالراحه عشان ما تتكسرش وتكون شكلها كده وده فى الاخر خالص





وتطلع التورته زي الى فى الصوره دي





بالزمه مش سهله اوي ؟؟





كل سنه وانتى طيبه يا ستيته يا جميله باحبك والله اوي





ودي الهديه بقى يا جميل



جبتلك شويه تنقي منهم الى انتى عايزاه



بس مش تاخديهم كلهم بقى عشان باقي المدونين كل عيد ميلاد واحد ياخد واحده







ولا اقولك خديهم كلهم وبعدين تفرج يا موناستيته يا جميله انتى

هناك 18 تعليقًا:

هناء محمود يقول...

هيييييييييييييييه

أنا اول تعليق

هناء محمود يقول...

كل سنة وانتى طيبة يا دكتور ستيتة

والتورتة فظييييعة يا صبصب

يعنى هتعمليها لستيتة وهتاكليها لوحدك ياااااا بختك

متخافيش بالهنا والشفا انتى والقطاقيط وابوهم

عاشقه الرومانسيه يقول...

تسلم ايدك ياصبصب
كل سنه وموناستيته بخير وطيبه
(:

Abu ShoSho يقول...

ألهمك الله الصبر أم مريم
انت طيبة أوي تسلم ايديكي
ربنا يرزقك الرضا و رضا الرضا و جعله سببا لرضاه يوم لقاه

تحياتي
أبو شوشو

نــــوارة فـــن الجـــمال يقول...

ممممممممممم

شكلها يجنننننن وطعمها خطيررر طبعا

يا بختك يعني يكون عيد ميلاد الغالية وانتي الي تاكلي التورتة لوحدك

الدنيا حظوظ ههههههههههه

على فكرة انا عيد ميلادي كان امبارح ب3 يناير سبيلي حتة تورتة بقى

ومن نصيبي نص الهدايا كمان ^ـ^

الهدايا دي كتيرة على خالتشي :]

تسلم ايدكي ياحبيبتي

بالحضضضضضضضن

صبرني يارب يقول...

ام بوبه

ربنا يخليكى يا جميل ايوه تعالي خدي حته

ههههههههههههههه

صبرني يارب يقول...

عاشقه

وانتى طيبه يا جميل ومدونتك بخير انا شوفت البوست بس انتى عارفه المواصلات اليومين دول

جيااااالك

صبرني يارب يقول...

ابو شوشو

ربنا يخليك يارب

الحمد لله رزقنا الرضا وبتهيئلي رضا الرضا

واتمنى يوم لقى ربنا الاقي رضاه برضه بسبب اي حد بس نلاقيه
هههههه

نورت يا فندم

صبرني يارب يقول...

نوااره

حيااااتي
كل سنه وانتى طيبه يا جميل

ما خدتش بالي من عيد ميلاد والله يا بطه

لا ده لازمله تحديث فورا

كل سنه وانتى طيبه يا قمر

والسنه الجايه اشوفك محتاسه وكده يعنى
يو نو
ربنا ينولك مرادك ويرزقك يارب

ستيتة يقول...

ههههههههههههههههههههههههه

كل سنة وانتم كلكم طيبين
وخاصة صبصب حبيبة الفؤاد

تكنن لحاء الأشجار
ضحكت عليها ضحك
مليش دعوة
انا عاوزة ديييييييييييييي
عاوزة اكلها كلها
مليش دعوة
ابعتي ابو رياض بيها
عاااااااااااااااااااااا

عرفتي منين يا شوريرة اني بموت في تورتة الشيكولاتة
وبلغوص نفسي بقى ومحدش يعرف يحوشني
عااااااااااااااااااااااااااا

ميرسي يا صبصب
دايما طيبة وحونينة
ربنا يخليكي

غير معرف يقول...

ربنا يبارك فيكى ياصبصب
ايوه كده دايما مجمعنا على الحلو
علشان انتى شخصية حلوة
وتصرفاتك واقوالك طالعة من قلبك
علشان كده بتدخل قلوبنا على طول

ستيتة حبيبتنا كلنا هديتى لها
هو دعائى الدائم لها
كمان نوارة بهنيها هنا وحاروح مدومنها جرى اهنيها
وعاشقة الرومانسية هنتها هناك

كل سنة والكل بخير

صبرني يارب يقول...

ستيته

يا حياتي انا عووووونيه ليكى والله ياريت اعرف اجيلك وانا كنت جبتها وجيت

ومعايا فدان شيكولاته


اتصلت عليكى عشان اقولك كل سنه وانتى طيبه تليفونك مقفول

صبرني يارب يقول...

ام مالك

تعيشي يارب

ربنا يكرمك يا جميل متشكره اوي

Hello, Hollywood! يقول...

kol sana we enta tyb

we maya maya el torta hehehe bas ezaher en malesh nayeb asl ana get met2a5ar

سواحة يقول...

صحيح
صبرنى كل ما اقول حزن عليكى انسى :-))
هى ايه الحكاية ؟؟:-))
دعيتى ربنا يرحمك من الزن و الزنانين
برضه افتكرت اهو
صبرنى فين القلقاس

بالمناسبة مبروك التجديدات الطعمة فى الصفحة

صبرني يارب يقول...

كوبا زكي

اعملك مخصوص يا جميل ولا يهمك
نورتي

صبرني يارب يقول...

واندا

زني براحتك يا جميل

قابلينى لو سألت عنك

ده انا واخده مناعه ضد الزن امال اعمل ا يه مع العيال انا
ههههههههههههههه

القلقاس يا جميل والله صورته

عنيه حاضر

بس التجديدات جننتنى

Unknown يقول...

تسلم ايدك روعة